پرفارمنس، فٹنس خراب ہوئی تو کپتانی چھوڑ دوں گا:مصباح الحق

پاکستان کرکٹ ٹیم کے کپتان مصباح الحق نے کہا ہے کہ قیادت ایک اعزاز ہے لیکن جب بھی پرفارمنس اور فٹنس خراب ہوئی تو اسے خود ہی چھوڑ دیں گے۔

قذافی سٹیڈیم لاہور میں میڈیا سے گفتگو کرتے ہوئے انہوں نے کہا وہ پاکستان کی نمائندگی چاہتے ہیں اور بورڈ جو ذمہ داری دے گا انہیں قبول ہے۔ کپتانی کے حوالے سے مصباح الحق نے کہا کہ یہ پھولوں کی سیج نہیں۔ انہوں نے قیادت کو ایک چیلنج سمجھا اور اچھا پرفارم کیا جس سے ان کے اعتماد میں اضافہ ہوا ہے۔